ليتا ضد بيكي لينش دريم ماتش !

نتايج وتحليل : عرض كراون جول 2021

كروان جول

انا ال pro wrestling commentary  ليو :

عرض عظيم اول مره السعوديه تقدم عرض جامد كدا. في ماتشات تستحق بجداره 5 نجوم. زى ماتش ايدج ضد سيث رولينز، و بيكي لينش ضد بيانكا بيلر، و ساشا بانكس و ماتش رومان رينز ضد بروك ليسنر، عرض كان حماسي.

لو حابين تشوفو التصفيات الى قبل كد هتلاقوها هنا ده الجزء الاول وده الجزء التانى وده الجزء التالت و ده الجزء الرابع. 

نتايج الماتشات وتحليلها 

ماتش ال Pre-Show

الاوسوز بيهزمو شيلتون بنجامين وسيدرك اليكساندر (ذا هارت بزنس)

الاوسوز بيهزمو شيلتون ضد وسيدرك اليكساندر

ماتشات العرض الرئيسي 

• ماتش قفص : ايدج بيهزم سيث رولينز 

ايدج ضد سيث رولينز 

استخدم الاسطوره ايدج (The Rated-R) فينش سيث رولينز (Stomp). عشان ينهى الماتش بس قبل ما الماتش ينتهى الاتنين دوقو بعض معنى الالم. كان ماتش عظيم ميتزهقش منه  دخل ايدج وسيث رولينز لقفص (HIAC). وكان الماتش مليان عنف عدواه قويه جدا جدا وبسبب شروط ماتش  (Hell in a Cell ) كان مسموح للاتنين يستخدمو اسلحه مختلفه.  إيدج استخدم كل الاسلحه بشكل مثالى وذكي و رولينز نفس الموضوع.  جاب صندوق أدوات واخدت منه سلسله فولاز واستخدمها كسلاح ولفها في رجله عشان ينفذ فنشو ال ( The Stomp ). نفذ سيث رولينز حركه ( Avada Kedavra ) على ايدج ورجله ملفوف بيها السلسه الفولاز. وفي الاخر ايدج زى مقلتلكم نفذ فنش سيث رولينز ضده باستخدام (The Stomp) على الكرسي الحديد. وينتهى الماتش واحنا مشبعناش منه بصراحه كنت متنمانى ان سيث رولينز يكسب ولكن الاسطورة ايدج استحق الفوز.

• منصور بيهزم مصطفي على 

منصور ضد مصطفي على 

ماتش مكنش وحش والنتيجه كانت محروق طبعا لازم يكسبو في بلدو مع ان مصطفي على احسن منه ب100 مره.

• ماتش على لقب فرق الرو : راندى اورتن ومات ريدل بيهزمو اى جاي ستايلز و اوماس

اوماس واى جى ستايلز ضد راندى اورتن ومات ريدال 

في البدايه مات ريدال بيمشي. اورتن بيستغرب طلع مات ريدل بعد لحظات مع جمل. بلفته كويس منه بيعبر فيها عن حبه للسعوديين دخلو اورتن و ريدل وابتدى الماتش. والبدايه كانت مات ريدل بيبدأ بسلسه ركلات على اى جي ستايلز. في الكورنر وبعدين سيطره من اى جي ستايلز وبيسلم لاوماس. ريدل بعدها بسلم لاورتن ويضرب من اوماس. وبعدين اوماس بيسلم لاى جاى ستايلز وبسيطر على اورتن. اورتن بيسلم لريدال ستايلز بيحاول ينفذ على ريدال (Styles Clash). و لكن ريدل بيفلت وبيسلم لاورتن  وفي الاخر ستايلز بينط من فوق الحبل. وبيتفاجئ من RKO من راندى اورتن وبيسلم اروتن لمات ريدل. وريدل بينط من الحبال على ستايلز وبيكسبو ويحتفظو باللقب.

• ماتش نهائي ملكه الحلبه : زيلينا فيجا بتهزم دودروب وبتكون اول ملكه في تاريخ بطوله ملكه الحلبه 

زيلينا فيجا ضد دودروب 

دخلت زيلينا فيجا التاريخ من اوسع ابوابه. في عرض ( WWE Crown Jewel) النهارده هى أول ديفا في التاريخ بتفوز بلقب ملكه الحلبه. (Queen's Crown) فازت زيلينا فيجا على تونى ستورم. ودى كانت اكبر مفاجاءه  في الروند الأول من البطولة وفي الروند التانى غلبت كارميلا. في  الأسبوع الى فات من عرض ( SmackDown ) غلبت فيجا  دودروب في نهائي البطولة في كروان جول النهارده .

الماتش كان متوسط وكان كل الجماهير بتشجع زيلينا فيجا. وانا كنت مبسوط جدا جدا من فوزها تستحق انسب واحده تاخد البطوله مبروك للملكه زيلينا.

• ماتش من غير قوانين : جولد بيرج بيهزم بوبي لاشلي 

جولد بيرج ضد بوبي لاشلي

كان ماتش جولدبيرج ضد بوبي لاشلي واحد من الماتشات البارزة على كارد Crown Jewel 2021. العدواه بدأت  لما رجع جولد بيرج  قبل سمر سلام. و اتحدى بطل WWE وقتها بوبي لاشلي ولعبو في سمر سلام.  واحتفظ بوبي لاشلي بلقبه بعد لما كان  (WWE Hall of Famer) مش قادريكمل الماتش بسبب الإصابة. و بعد الماتش هاجمه بوبي لاشلي وبعدها هاجم ابنه غيج كمان رجع جولدبرج وفي دماغه الانتقام. وكان بيقول انه عايز يئذي بوبي لاشلي. بسبب ضربه لابنه واتحددلهم ريماتش في عرض السعودية ( Crown Jewel ). وهو ماتش من غير قوانين ( No Holds Barred ). ماتشهم الاول كان اقل من عادى. لانه الطرف الى بيعرف يصارع بس هو بوبي لاشلي. الماتش التانى على وبقي عادى لكن بنسبه لجولد بيرج كويس لان نفسه طول عن الاول. الماتش بدأ بسيطرة بوبي لاشلي بعدها اتقلب الوضع لجولد بيرج  ونفذ سبير وجاكهامر. لبوبي لاشلي رفض يثبت عشان ينتقم لابنه وبخلى لاشلي يعانى في اخر الماتش جي  سيدريك أليكساندر و شيلتون بينجامين. عشان ينقذو قائد (Hurt Business) بوبي لاشلي لكن لا لازم مكمان يظهر جولد بيرج بمظهر البطل الخارق. الى محدش قادر يوقفه وفعلا ضربهم  وانتهي الماتش بفوز جولد بيرج (اولد بيرج ).

• ماتش ملك الحلبه : إكزافيير وودز بيهزم فين بالور وبيتوج كملك الحلبه 
  

إكزافيير وودز ضد فين بالور

الاول الف مبروك للملك كزافييه وودز. في نهائي  (2021 WWE King of Ring) النهارده في المملكة العربية السعودية في عرض (WWE Crown Jewel) شوفنا انتصار صدمنا كلنا من إكزافيير وودز. عضو (New Day) على بطل WWE السابق فين بالور عشان يبقي  ملك الحلبة لأول مرة. 

كان انتصار اكزافيير النهارده كان مهم جدا جدا بنسباله.  كان على طول بيتكلم عن انه نفسه يبقي  ملك الحلبة وده كان حلمه وهو طفل. على عكس معظم المصارعين الى كانو في طفولتهم بيتمنو انهم يبقو ابطال الاتحاد وضح وودز أن ده مكنش هدفه  كان عايز ديما يكون ملك الحلبه. وحقق حلمه وفاز على فين بالور بماتش عظيم النهارده كان يوم عظيم لل(New Day) .

ولكن يا جماعه مش منطقي وودز يغلب فين بالور. مع احترامى ليه فين بالور في اخر عدواه كان ضدر رومان رينز واجهه الاتحاد وكان بيجاريه في الاداء. يخسر ازى ولو جتو للحق سامي زين اكتر حد كان يستحقها الراجل مهمش ومخدش غير لقب القارات من لما اتصعد للعروض الاساسيه وشخصيته الانسب لملكه الحلبه.

• ماتش على لقب بطوله العالم لعرض الرو : بيج اي بيهزم دروو ماكنتاير 

إكزافيير وودز ضد فين بالور

ماتش كان قوى جدا جدا حماسي اتكررت فيه الفينشات. ومكنش معروف مين هيكسب ماتش طويل ولكن كان ماتش مسلي جدا جدا وانتهى باحتفاظ بيج اى باللقب.

• ماتش بطوله سماك دوان النسائيه : بيكي لينش بتهزم بيانكا بلير و ساشا بانكس 

بيكي لينش ضد بيانكا بلير ضد ساشا بانكس 

احتفظت بيكي لينش ببطولة (WWE SmackDown) للسيدات. في عرض كروان جول 2021.  غلبت بيكي لينش  بيانكا بلير و ساشا بانكس في ماتش للتاريخ.  الاول  فازت بيكي لينش بلقب (SmackDown )للسيدات في عرض (SummerSlam) وكان رجوع مفاجئ وغلبت بيانكا بلير في ثوانى.  وتبقي بطله ( SmackDown ) للسيدات في (Crown Jewel). اتحدد ماتش مابين بيكي لينش بطله اللقب ضد ساشا بانكس وبيانكا بلير الابطال السابقين للقب. يا رجل اول مره في حياتى اكون متحمس لماتش ديفاز واكون مش عايزو يخلص. كان في  لحظات كتيرفي الماتش  بيكي لينش كانت معرضه لخطر خسارة بطولة سماك داون للسيدات. و لكن في الاخر احتفظت (The Man )في النهاية بحزامها وفازت بالرول اب .

• الماين افنت على بطوله العالم لسماك دوان : رومان رينز بيهزم بروك ليسنر 

رومان رينز ضد بروك ليسنر 

الماتش بدء بدخول بول هيمان مع رومان رينز. وبعدها بروك ليسنر بدأ الماتش بمحاولات بروك ليسنر انه ياخد رومن سوبليكس سيتى. ولكن رومان قاوم وبعدها سيطره من رومن وبعدها سيطره من ليسنر. الماتش كان متكافئ شوفنا سبوتات قويه زى النطه الانتحاريه من رومان رينز على بروك بعد السوبر مان بانش. بروك فلت من سبير بنطه اول مره نشوف بروك ليسنر ومتوقعناش يقوم بحركه زى دى. فلت بروك من جلاتين بروك خد رومان سوبلكس سيتى ورومان بعد F5 من بروك نجي منها. بروك نفذ الF5 تانى ولكن جت على الحكم بول هيمان رمى اللقب للياخدو ويستخدمو لصالحو في الماتش. بروك خد اللقب ولكن بص ورا خد سوبر كيك من الاوسوز. اعضاء البلود لاين رومن بيضرب بروك بالحزم وبيديلو سبير وبيكسب الماتش وبيحتفظ باللقب.

وبكده يكون انتهي العرض يارب التغطيه تكون عجبتكم.